Բաթումի Իլիա Ճավճավաձեի անվան թիվ 1 հանրային դպրոցի 11-րդ դասարանի աշակերտների՝ Գլխավոր հյուպատոսություն ուսուցողական այցի վերաբերյալ

30 հոկտեմբերի, 2026

2026 թվականի հոկտեմբերի 30-ին Բաթումում ՀՀ գլխավոր հյուպատոսություն՝ նախապես ձեռք բերված պայմանավորվածության համաձայն, այցելեցին Բաթումի Իլիա Ճավճավաձեի անվան թիվ 1 հանրային դպրոցի 11-րդ դասարանի աշակերտները՝ քաղաքացիական կրթություն առարկայի ուսուցիչ Թամար Սուլաքվելիձեի ուղեկցությամբ։

Ուսուցիչ Թամար Սուլաքվելիձեին և դպրոցականներին ընդունեց Բաթումում ԳՀ խորհրդական Հասմիկ Հասմիկյանը։

Հ.Հասմիկյանը, հյուրերի խնդրանքով, անդրադարձավ դիվանագիտության ոլորտին ընդհանրապես և հյուպատոսական գործառույթների բնույթին մասնավորապես։

Այնուհետև առավել մանրամասնորեն ներկայացվեց Բաթումում ՀՀ գլխավոր հյուպատոսության գործունեությունը։

Տեղի ունեցավ ակտիվ հարցուպատասխան դպրոցականների և դիվանագետի միջև։

Աշակերտները խնդրեցին կիսվել մասնագիտական փորձով՝ բացատրելով իրենց հետաքրքրվածությունը ապագա մասնագիտություն ընտրելու հարցում կողմնորոշվելու նպատակով։

Դպրոցականների հարցերը բազմաթիվ էին, վերաբերում էին թե՜ Հայաստանի և Վրաստանի և, մասնավորապես, ՀՀ և ԱԻՀ միջև պատմական և արդի կապերին, թե՜ ընդհանրապես դիվանագիտական ոլորտին, թե՜ հատկապես Բաթումում ՀՀ ԳՀ գործունեությանը։

Հանդիպման ավարտին խորհրդական Հ.Հասմիկյանը հյուպատոսության կողմից հյուրերին նվիրեց «Armenia: discovering treasures and global heritage» նկարազարդ բրոշյուրը և հայկական արտադրության քաղցրավենիք։

Ուսուցիչ Թամար Սուլաքվելիձեն և աշակերտները շնորհակալություն հայտնեցին բովանդակալից զրույցի և ջերմ հյուրընկալության համար։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր